தமிழக வீராங்கனை தலைமையில் களம் கண்ட இந்திய அணி

சென்னையில் நடைபெற்ற இந்தியா - நேபாளம் இடையேயான, முதல் சர்வதேச மகளிர் நட்புறவு கால்பந்து ஆட்டம், சமனில் முடிந்தது.
நேரு விளையாட்டு அரங்கில் நடைபெற்ற போட்டியில், தமிழகத்தைச் சேர்ந்த இந்துமதி கதிரேசன் தலைமையிலான இந்திய அணியும், அஞ்சிலா சுப்பா தலைமையிலான நேபாளம் அணியும் மோதின.
ஆட்டநேர முடிவில் 2க்கு 2 என்ற கோல் கணக்கில் போட்டி சமனில் முடிந்தது.
15 ஆண்டுகளுக்குப் பிறகு, தமிழகத்தில் நடைபெறும் சர்வதேச அளவிலான இந்த கால்பந்து போட்டியில், திமுக எம்.பி. கலாநிதி வீராசாமி மற்றும் தமிழ்நாடு கால்பந்து சங்க நிர்வாகிகள் சிறப்பு விருந்தினர்களாக பங்கேற்றனர்.