குடும்பத்தோடு பெட்ரோல் ஊற்றி எரிந்த சம்பவம்..பச்சிளம் குழந்தைகளுடன் தீயில் கருகி பலி - கடலூரை உலுக்கிய பயங்கரம்

கடலூர் மாவட்டத்தில் குடும்பத் தகராறு காரணமாக ஒரே குடும்பத்தைச் சேர்ந்தவர்கள் தீ வைத்து எரித்து கொலை செய்யப்பட்ட சம்பவத்தில், உயிரிழந்தவர்களின் எண்ணிக்கை 5 ஆக அதிகரித்துள்ளது

கடலூர் செல்லாங்குப்பத்தைச் சேர்ந்த பிரகாஷ் - தமிழரசி தம்பதியினர், ஒரு ஆண் மற்றும் பெண் குழந்தையுடன் வசித்து வந்துள்ளனர். இந்நிலையில், தமிழரசியின் தங்கை தனலட்சுமி, அவரது கணவர் சற்குருவுடன் ஏற்பட்ட தகராறு காரணமாக, தனது 9 மாத கைக்குழந்தையுடன், கடந்த சில நாட்களுக்கு முன் சகோதரி இல்லத்திற்கு வந்துள்ளார். இதனிடையே, சற்குரு அடிக்கடி குடித்து விட்டு, தமிழரசியின் வீட்டின் முன்பு தகராறு செய்து வந்த நிலையில், திடீரென தன் மீது பெட்ரோலை ஊற்றிக் கொண்டதோடு, குடும்பத்தினர் அனைவர் மீதும் பெட்ரோலை ஊற்றி தீ வைத்ததாக கூறப்படுகிறது. இந்த சம்பவத்தில், 2 பச்சிளம் குழந்தைகள் உள்ளிட்ட 4 பேர் தீயில் கருகி உயிரிழந்த நிலையில், சற்குரு ஆபத்தான நிலையில் மருத்துவமனையில் சிகிச்சை பெற்று வந்தார். ஆனால், அவரும் சிகிச்சை பலனின்றி உயிரிழந்ததால், பலி எண்ணிக்கை 5 ஆக உயர்ந்துள்ளது தற்போது, செல்வி மருத்துவமனையில் சிகிச்சை பெற்று வருகிறார்.