சிறப்பு வகுப்புக்கு வராத மாணவியை பிரம்பால் கொடூரமாக தாக்கிய தலைமை ஆசிரியை..!

திருப்பூர் அருகே சிறப்பு வகுப்புக்கு வராத மாணவியை பிரம்பால் தாக்கிய தலைமை ஆசிரியை மீது நீதிமன்ற உத்தரவின்படி போலீசார் வழக்குப்பதிவு செய்துள்ளனர்.

உடுமலை அருகே வாளவாடியை கிராமத்தைச் சேர்ந்தவர் கோகிலா. இவரின் 2 மகள்களும் வாளவாடியில் உள்ள அரசு மேல்நிலைப்பள்ளியில் படித்து வருகின்றனர்.

இதில் ப்ளஸ் ஒன் படித்து வரும் மூத்த மகள் சிறப்பு வகுப்பு வராததால் தலைமை ஆசிரியை ஜெயலட்சுமி பிரம்பால் தாக்கியதாக கூறப்படுகிறது. இதில் அந்த மாணவிக்கு காயம் ஏற்பட்டு சிகிச்சையும் பெற்றுள்ளார்.

இதுகுறித்து விசாரணை நடத்துமாறு கோகிலா உடுமலை மகளிர் காவல் நிலையத்தில் புகார் அளித்தார்.

இதன்பேரில் நீதிமன்ற உத்தரவின்படி தலைமை ஆசிரியை ஜெயலட்சுமி மீது வழக்குப்பதிவு செய்து விசாரணை நடந்து வருகிறது...