காப்பகத்தில் இருந்து தப்பியோடிய சிறுமிகள்.. போலீசாரிடம் ஒப்படைத்த பெற்றோர்கள்

காஞ்சிபுரம், தாத்திமேடு சாலபோகம் பகுதியில் அன்னை சத்யா அரசு குழந்தைகள் காப்பகம் செயல்பட்டு வருகிறது. அங்கு, ஏராளமான ஆதரவற்ற குழந்தைகள் தங்கி கல்வி கற்று வந்த நிலையில், கடந்த சில நாட்களுக்கு முன்பு 7 சிறுமிகள் காதல் விவகாரத்தில் இருந்து மீட்டு காப்பகத்தில் அடைக்கப்பட்டுள்ளனர். இந்நிலையில், சம்பவத்தன்று, காப்பகத்தில் உணவருந்தி விட்டு உறங்க சென்ற சிறுமிகளில் 6 பேர் பாதுகாவலர் அறையை பூட்டிவிட்டு தப்பியோடிய சம்பவம் அதிர்ச்சியை ஏற்படுத்தியுள்ளது. இது குறித்து அளிக்கப்பட்ட புகாரின் அடிப்படையில் தீவிர விசாரணை நடத்தி வரும் போலீசார், தப்பியோடிய சிறுமிகளை தேடி வருகின்றனர்.