ஜாமினில் வந்தவரை வெட்டிய கும்பல்... கைதான 14 பேரும் கஞ்சா போதை... விசாரணையில் போலீசார் தடுமாற்றம்

சங்கரன்கோவில் அருகே, சிறையில் இருந்து ஜாமினில் வந்தவரை ஓட ஓட விரட்டி கொலை செய்த விவகாரத்தில், 14 பேரை போலீசார் கைது செய்துள்ளனர்.

தென்காசி மாவட்டம் சங்கரன் கோவில் அருகே தேவிப்பட்டினத்தை சேர்ந்தவர் செல்வக்குமார். இவர் தனது அண்ணன் மகளை கேலி செய்ததற்காக சிவக்குமார் என்பவரை கொன்று சிறை சென்றார். இந்நிலையில், சிறையில் இருந்து ஜாமினில் வெளியே வந்த செல்வக்குமாரை, சிவக்குமாரின் நண்பர்கள் ஓட ஓட விரட்டி கொலை செய்த சம்பவம் அதிர்ச்சியை ஏற்படுத்தியது. இந்த சம்பவம் குறித்து தீவிர விசாரணை நடத்தி வந்த போலீசார், 14 பேரை கைது செய்துள்ளனர். இதில், கைது செய்யப்பட்ட 14 பேரும் கஞ்சா போதையில் இருப்பதாகவும், போலீசார் விசாரணை நடத்த சிரமமாக இருப்பதாகவும் தகவல் வெளியாகியுள்ளது