கல்லூரி மாணவருடன் சேர்ந்து கொள்ளை அடிக்க திட்டம்.. வசமாக போலீசிடம் சிக்கிய கும்பல்

சென்னை அடுத்த கிழக்கு கடற்கரை சாலையில் கொள்ளை முயற்சியில் ஈடுபட திட்டம் தீட்டிய பள்ளி, கல்லூரி மாணவர் உள்ளிட்ட ஆறு பேரை போலீசார் கைது செய்தனர்.

கானத்தூர் முட்டுக்காடு பகுதியில்,சந்தேகத்திற்கு இடமான வகையில் ஒரு கும்பல் சுற்றித் திரிவதாக போலீசாருக்கு தகவல் கிடைத்தது.

தகவலின் பேரில் அங்கு சென்ற போலீசார், அவர்களை மடக்கி பிடித்து சோதனை செய்தனர்.

அப்போது, அவர்கள் கஞ்சா பொட்டலங்கள் வைத்திருந்தனர். இதனையடுத்து, பழைய வண்ணாரப்பேட்டையைச் சேர்ந்த கல்லூரி மாணவர் உள்ளிட்ட 6 பேரை கைது செய்த போலீசார், இருசக்கர வாகனம், செல்போன் உள்ளிட்டவைகளை பறிமுதல் செய்தனர்.