"அந்த மனசு தான் சார் கடவுள்..." - வெறும் கையால் நாயை அடக்கம் செய்த பெண் ஆய்வாளர்

குடியாத்தம் அருகே சாலை விபத்தில் உயிரிழந்த நாய்குட்டியை பெண் காவல் ஆய்வாளர் வெறும் கைகளால் தூக்கி சென்று அடக்கம் செய்தது நெகிழ்ச்சியை ஏற்படுத்தியுள்ளது. வேலூர் மாவட்டம் பள்ளிக்கொண்டா தேசிய நெடுஞ்சாலையின் சர்வீஸ் சாலையில், நாய்க்குட்டி ஒன்று வாகனத்தில் சிக்கி உயிரிழந்து கிடந்தது. அதனை யாரும் கண்டுகொள்ளாத நிலையில், நாய்க்குட்டி இறந்து கிடப்பதை பார்த்த குடியாத்தம் நகர காவல் ஆய்வாளர் லட்சுமி, அதனை வெறும் கைகளால் தூக்கி சென்று நல்லடக்கம் செய்தார். அவரின் இந்த செயல் அங்கிருந்தவர்களிடையே நெகிழ்ச்சியை ஏற்படுத்தியது.