காருக்கு பெட்ரோல் போட சொன்ன ஓட்டுநர்...தண்ணீரை நிரப்பிய பெட்ரோல் பங்க் | petrol bunk

காருக்கு பெட்ரோல் போட சொன்ன ஓட்டுநர்...தண்ணீரை நிரப்பிய பெட்ரோல் பங்க் - அதிர்ச்சியில் கார் ஓட்டுநர்

கோவையில் காருக்கு போட்ட பெட்ரோலுக்கு பதில் தண்ணீர் இருந்ததால் அதிர்ச்சி அடைந்த கார் ஓட்டுநர் போலீசில் புகார் அளித்துள்ளார். சித்தப்புதூர் பகுதியை சேர்ந்த கார் ஓட்டுநரான ரமேஷ் ஆவாரம்பாளையம் பகுதியில் உள்ள பெட்ரோல் பங்கில் நான்காயிரம் ரூபாய்க்கு பெட்ரோல் அடித்துள்ளார். ஆனால், சிறிது தூரம் சென்றபின் கார் நின்று விட்டதால், மெக்கானிக்கை அழைத்து பழுது பார்த்ததில் பெட்ரோல் டேங்கில் தண்ணீர் இருந்துள்ளது. இது குறித்து சம்பந்தப்பட்ட பெட்ரோல் பங்கிற்கு சென்று கேட்டபோது, உரிய பதிலளிக்கவில்லை என கூறப்படுகிறது. இதுதொடர்பாக ரமேஷ் காட்டூர் காவல் நிலையத்தில் புகார் அளித்துள்ள நிலையில் போலீசார் விசாரித்து வருகின்றனர்.