சாலையில் ஓடும் போதே திடீரென தீப்பிடித்த கார்..! - தப்பி ஓடிய 4 பேர்... பரபரப்பான காட்சிகள்

கேரள மாநிலம் திருச்சூரில், சாலையில் சென்று கொண்டிருந்த கார் ஒன்று திடீரென தீப்பிடித்து எரிந்ததால் பரபரப்பு ஏற்பட்டது.

திருச்சூர் தேசிய நெடுஞ்சாலையில், திற்பறையார் பாலம் அருகே சென்று கொண்டிருந்த கார் ஒன்று திடீரென தீப்பற்றி எரிந்துள்ளது.

காரின் முன் பகுதியில் இருந்து புகை வெளியே வந்ததை பார்த்ததும் காரில் இருந்த 4 பேரும் காரை நிறுத்திவிட்டு தூரமாக ஓடி உள்ளனர்.

இதனால் காரில் இருந்தவர்கள் அதிர்ஷ்டவசமாக உயிர்தப்பினர்.

இதையடுத்து தகவலறிந்து வந்த தீயணைப்புத்துறையினர், தீயை அணைப்பதற்குள் காரின் முன்பகுதி முழுவதும் தீயில் கருகி சேதமடைந்தது.