ஒரே நேரத்தில் 2 வாகனத்தையும் நேருக்கு நேர் இடித்து தள்ளிய கார்.. வலியால் துடித்து விழுந்து கிடந்த பெண்கள்

வந்தவாசி அருகே 2 சரக்கு வாகனங்கள் மீது கார் நேருக்கு நேர் மோதிய விபத்தில்10 பேர் படுகாயம் அடைந்தனர். புதுச்சேரியில் இருந்து வந்தவாசி வழியாக காஞ்சிபுரத்துக்கு வந்த அந்த கார், தாழம்பள்ளம் கூட்டு சாலையில் எதிரில் வந்த சரக்கு வாகனத்துடன் மோதியதுடன், பால் ஏற்றி வந்த மற்றொரு வாகனத்தின் மீதும் மோதியது. இதில் காயமடைந்த 10 பேர் வந்தவாசி அரசு மருத்துவமனையில் அனுமதிக்கப்பட்டனர். அவர்களில், 6 பேர் மேல்சிகிச்சைக்காக செங்கல்பட்டு அரசு மருத்துவமனைக்கு அனுப்பி வைக்கப்பட்டனர். விபத்து குறித்து வந்தவாசி வடக்கு காவல் நிலைய போலீசார் வழக்கு பதிவு செய்து விசாரணை செய்து வருகின்றனர்.