நிலைதடுமாறி தடுப்பில் மோதிய கார்... பயங்கர வேகத்தில் கார் மீது மோதிய லாரி - சம்பவ இடத்திலேயே எஸ்.ஐ. உட்பட 5 பேர் உயிரிழப்பு

ஆந்திர மாநிலம் பாபட்டலா மாவட்டத்தில் அதிகாலையில் ஏற்பட்ட விபத்தில், காரில் சென்ற 5 பேர் உயிரிழந்தனர். ஆடங்கி காவல் நிலையத்தை சேர்ந்த எஸ்.ஐ. சாமந்தர், தனது குடும்பத்துடன் காரில் கோயிலுக்கு சென்றுவிட்டு வீடு திரும்பினார். மேதரமிட்டலா அருகே தடுப்பில் கார் மோதிய போது, பின்னால் வந்த லாரி கார் மீது மோதியது. இதில், காரில் பயணித்த 5 பேரும் சம்பவ இடத்திலேயே உயிரிழந்தனர். அவர்களது உடல்களை மீட்ட போலீசார், வழக்குப் பதிவு செய்து விசாரணை நடத்தி வருகின்றனர்.