மது போதையில் இளைஞர்களுக்கிடையே பயங்கர தகராறு, மருத்துவமனை ஜன்னல்கள் உடைப்பு - வேலூரில் பரபரப்பு

வேலூர் மாவட்டத்தில் மது போதையில் ஏற்பட்ட தகராறில் இரு இளைஞர்கள் மருத்துவமனையின் ஜன்னலை உடைத்த சம்பவம் பரபரப்பை ஏற்படுத்தியுள்ளது.

வேலூர் மாவட்டம் கோட்டச்சேரி பகுதியை சேர்ந்தவர் ராமகிருஷ்ணன். இவருக்கும் அதே பகுதியை சேர்ந்த சரண்ராஜ் என்பவருக்கும் மது அருந்தும் போது தகராறு ஏற்பட்டுள்ளது. தகாறில் காயமடைந்த இருவரும் பேர்ணாம்பட்டு அரசு மருத்துவமனைக்கு அழைத்து வரப்பட்ட நிலையில், அங்கும் தகராறில் ஈடுபட்டு மருத்துவமனையின் ஜன்னல்களை உடைத்த சம்பவம் பரபரப்பை ஏற்படுத்தியது.

இதையடுத்து, இருவரும் வெவ்வேறு மருத்துவமனைகளில் அனுமதிக்கப்பட்டனர். தகவலின் அடிப்படையில், சம்பவ இடத்திற்கு வந்த போலீசார் விசாரணை நடத்தி வருகின்றனர்.