அடுக்குமாடி குடியிருப்பில் பயங்கர தீ விபத்து - குழந்தைகள் உட்பட 10 பேர் பலி

பிரான்ஸ் அடுக்குமாடி குடியிருப்பில் ஏற்பட்ட தீ விபத்தில் உயிரிழந்தோர் எண்ணிக்கை 10 ஆக அதிகரித்துள்ளது.

வால்க்ஸ் என் வெலின் நகரில் அமைந்துள்ள அடுக்குமாடி குடியிருப்பு திடீரென தீப்பற்றி எரியத் துவங்கியது.

இவ்விபத்தில் 5 குழந்தைகள் உட்பட 10 பேர் சம்பவ இடத்திலேயே உடல் கருகி உயிரிழந்தனர்.

மேலும் 14 பேர் படுகாயங்களுடன் மருத்துவமனையில் அனுமதிக்கப்பட்டனர்.

தீயணைப்பு வீரர்கள் விரைந்து தீயை அணைத்த நிலையில், தீ விபத்திற்கான காரணம் குறித்து காவல் துறையினர் தீவிர விசாரணை மேற்கொண்டுள்ளனர்.