பசு மாட்டை நாய் துரத்தியதால் ஆத்திரம் - தென்காசியில் அரங்கேறிய கொடூர கொலை | tenkasi | thanthi tv

தென்காசியில் பசுமாட்டை நாய் துரத்தியதால், நாயின் உரிமையாளரை சகோதரர்கள் கொலை செய்த சம்பவம் அதிர்ச்சியை ஏற்படுத்தியுள்ளது. தென்காசி மாவட்டம் புளியங்குடி அருகே சிந்தாமணி பகுதியை சேர்ந்தவர் மைதுக்கனி. விவசாயியான இவர் தனது பயிர்நிலங்களை விலங்குகளிடம் இருந்து பாதுகாக்க நாய்களை வளர்த்து வந்துள்ளார். இந்நிலையில், அதே பகுதியை சேர்ந்த விவசாயி குருவையாவின் மாடுகளை மைதுக்கனியின் நாய்கள் துரத்தியதாகவும், இதனால் ஆத்திரமடைந்த குருவையா துரத்திய நாயினை கொன்று கிணற்றில் வீசியதாகவும் கூறப்படுகிறது. இது தொடர்பாக மைதுக்கனி போலீசில் புகாரளித்ததால், குருவையாவிற்கும், மைதுக்கனியிற்குமிடையே தகராறு முற்றியுள்ளது. இதில், தனது சகோதரரான சின்னமாரியுடன் சேர்ந்து மைதுக்கனியை கொலை செய்து குருவையா குளத்தில் வீசிய சம்பவம் அதிர்ச்சியை ஏற்படுத்தியுள்ளது. தகவலின் அடிப்படையில் சம்பவ இடத்திற்கு வந்த போலீசார், சகோதரர்கள் இருவரையும் கைது செய்து விசாரணை நடத்தி வருகின்றனர்.