இந்திய கால்பந்து அணிக்கு தமிழக மாணவர் தேர்வு | Football | India Team

சென்னை மாநிலக் கல்லூரி முதுகலை மாணவர், இந்திய கால்பந்து அணியில் விளையாடுவதற்கு தேர்வாகி உள்ளார். காரைக்குடியைச் சேர்ந்த மாணவர் சிவசக்தி. இவர், சென்னை மாநிலக் கல்லூரியில் முதுகலை, பொது நிர்வாகவியல் பாடப்பிரிவில் முதலாம் ஆண்டு படித்து வருகிறார். கால்பந்து விளையாட்டில் மிகவும் ஆர்வம் கொண்ட சிவசக்தி, பல ஆண்டுகளாக கால்பந்து விளையாடி வருகிறார் . இந்நிலையில், இவர் இந்திய கால்பந்து அணியில் விளையாடுவதற்கு தேர்வாகி உள்ளார். மாணவருக்கு கல்லூரி பேராசிரியர்கள் பாராட்டு தெரிவித்துள்ள நிலையில், இந்திய அணிக்கு தேர்வானது மகிழ்ச்சி அளிப்பதாக சிவசக்தி கூறினார்.