பொங்கல் பரிசு தொகுப்புடன் கரும்பும் சேர்த்து வழங்கப்படுமா?

பொங்கல் பரிசு தொகுப்புடன் கரும்பும் சேர்த்து வழங்கக் கோரி சென்னை உயர் நீதிமன்றத்தில் வழக்கு தொடரப்பட்டுள்ளது. இதுதொடர்பாக கடலூர் மாவட்டத்தைச் சேர்ந்த ராதாகிருஷ்ணன் என்ற விவசாயி தாக்கல் செய்துள்ள மனுவில், பொங்கல் பரிசு தொகுப்புக்காக அரசு நல்ல விலைக்கு கரும்பை கொள்முதல் செய்யும் என்ற நம்பிக்கையில் கரும்பு பயிரிட்டதாகவும், தற்போது குறைந்த விலைக்கு விற்க வேண்டியுள்ளதாகவும் தெரிவித்துள்ளார். இந்த மனு, இன்று விசாரணைக்கு வரும் என எதிர்பார்க்கப்படுகிறது.