1 ஆண்டாக ஸ்டேஷனில் சும்மா நின்ற பஸ் பற்றி எரிந்ததால் பரபரப்பு - காரணம் தெரியாமல் ஆடிப்போன போலீசார்
விழுப்புரம் மாவட்டம் செஞ்சி அருகே காவல் நிலைய வளாகத்தில் நிறுத்தி வைக்கப்பட்டிருந்த பேருந்து திடீரென தீப்பிடித்து எரிந்ததால் பரபரப்பு நிலவியது.
கடந்த 2021ஆம் ஆண்டு, பீகார் மாநிலத்திலிருந்து-மதுரைக்கு சொகுசு பேருந்தில் கஞ்சா கடத்தி சென்றுள்ளனர்.
அப்போது, ஞானோதயம் சோதனை சாவடியில், கஞ்சா பொட்டலங்களுடன் ஓட்டுநரை கைது செய்த போலீசார், பேருந்தையும் பறிமுதல் செய்தனர்.
பின்னர், அந்த பேருந்து காவல் நிலைய வளாகத்தில், ஒன்றரை ஆண்டுகளாக நிறுத்தி வைக்கப்பட்டிருந்த நிலையில், திடீரென நேற்று பேருந்து தீ பிடித்து எரிந்தது.
தகவலின் பேரில், அங்கு வந்த தீயணைப்பு வீரர்கள் தண்ணீரை பீய்ச்சி அடித்து தீயை அணைத்தனர்.
Next Story
