அரசு பள்ளியில் கட்டிட வேலை பார்க்கும் மாணவர்கள் - தீயாய் பரவும் காட்சிகள்

ஆலடிக்குமுளையில் உள்ள அரசு உயர்நிலைப்பள்ளியில், இரண்டு வகுப்பறைகள் கொண்ட புதிய கட்டிடம் கட்டப்பட்டு வருகிறது. இந்த பணிகளுக்கு பள்ளி மாணவர்களை பயன்படுத்தியது குறித்த வீடியோ, இணையதளத்தில் வெளியாகி பொதுமக்கள் மத்தியில் அதிர்ச்சியை ஏற்படுத்தியுள்ளது. அதில், மாணவர்கள் கடப்பாறை எடுத்து குழி தோண்டுவது, செங்கல் உடைப்பது, இரும்பு கம்பிகளுக்கு வர்ணம் அடிப்பது, கட்டிடத்தின் மேல் நின்று ஆபத்தான முறையில் தண்ணீர் பிடிப்பது போன்ற காட்சிகள் இடம் பெற்றுள்ளன. மாணவர்களை படிக்க விடாமல், கட்டிட பணிகளுக்கு பயன்படுத்திய பள்ளி நிர்வாகம் மீது நடவடிக்கை எடுக்க வேண்டும் என, சமூக ஆர்வலர்கள் கோரிக்கை விடுத்துள்ளனர்.