"படிச்சு, படிச்சு பைத்தியம் பிடிக்குது" - இன்ஸ்டாவில் கலெக்டரிடம் கெஞ்சிய மாணவர்கள் | Collector

பள்ளிக்கு விடுமுறை அளிக்க கோரி, சுட்டித்தனமாக மாணவர்கள் அனுப்பிய குறுஞ்செய்தியை புதுக்கோட்டை ஆட்சியர் கவிதா ராமு தனது முகநூல் பக்கத்தில் பகிர்ந்துள்ளார்.

கனமழை காரணமாக, புதுக்கோட்டை மாவட்டத்தில் உள்ள பள்ளி, கல்லூரிகளுக்கு கடந்த 10ஆம் தேதி விடுமுறை அளிக்கப்பட்டது.

இதனிடையே, பள்ளிகளுக்கு விடுமுறை அளிக்க கோரி, ஆட்சியர் கவிதா ராமுவின் இன்ஸ்டாகிராம் இன்பாக்ஸில் மாணவர்கள் குறுஞ்செய்தி அனுப்பியுள்ளனர்.

இதை இயல்பாக எடுத்துக் கொண்ட ஆட்சியர், மாணவர்களின் குறும்புத்தனமான குறுஞ்செய்தியை தனது முகநூல் பக்கத்தில் பகிர்ந்துள்ளார்.