மேடையில் நல்ல பாம்பை கையில் வைத்து கொண்டு கூல் டாக் - மாறாத வாவா சுரேஷால் அதிர்ச்சி

கேரளாவில் 30 ஆயிரத்திற்கும் மேற்பட்ட பாம்புகளை பிடித்து பிரபலமானவர் வாவா சுரேஷ். கடந்த பிப்ரவரி மாதம் கோட்டயத்தில் விஷத்தன்மை உள்ள பாம்பு கடித்ததில் மருத்துவமனையில் அனுமதிக்கப்பட்டு, தீவிர சிகிச்சைக்கு பின் உயிர் பிழைத்தார்.

இந்த நிலையில், கோழிக்கோட்டில் உள்ள மருத்துவ கல்லூரியில், பாம்பு கடி குறித்தும், அதற்கு அளிக்கப்படும் சிகிச்சை முறைகள் குறித்தும் சிறப்புரையாற்றிய வாவா சுரேஷ், திடீரென தனது பைக்குள் இருந்து நல்ல பாம்பை வெளியே எடுத்து அங்கிருந்தவர்களுக்கு அதிர்ச்சி அளித்தார்.

பேசிக் கொண்டிருந்த மேடை மீது பாம்பை வைத்து, அதன் அருகே சென்ற வாவா சுரேஷின் செயலால் அங்கிருந்தவர்கள் அதிர்ச்சி அடைந்தனர்.

உரிய பாதுகாப்பின்றி மீண்டும் பாம்பை பிடித்த காரணத்திற்காக வாவா சுரேஷிடம், வனத்துறையினர் விசாரணை மேற்கொண்டனர்.