இலங்கையை பந்தாடிய ஒன்மேன் ஆர்மி - அரையிறுதியில் நியூஸிலாந்து எண்ட்ரி? | T20 | SL vs NZ

இலங்கையை பந்தாடிய ஒன்மேன் ஆர்மி - அரையிறுதியில் நியூஸிலாந்து எண்ட்ரி?

டி20 உலகக்கோப்பை சூப்பர்12 சுற்றில் இலங்கையை 65 ரன்கள் வித்தியாசத்தில் தோற்கடித்து நியூசிலாந்து அபார வெற்றி பெற்றது.

சிட்னியில் நடைபெற்ற போட்டியில் டாஸ் வென்ற நியூசிலாந்து கேப்டன் கேன் வில்லியம்சன் பேட்டிங்கை தேர்வு செய்தார். தொடர்ந்து பேட்டிங் செய்த நியூசிலாந்தில் தொடக்க வீரர்கள் கான்வேவும், ஆலனும் 1 ரன்னுக்கு நடையைக் கட்ட, கேப்டன் வில்லியம்சன் 8 ரன்களில் பெவிலியன் திரும்பினார். எனினும் பின்னர் வந்த கிளென் பிலிப்ஸ் அதிரடியாக ஆடினார். இலங்கை பந்துவீச்சை சிதறடித்து, பவுண்டரி மழை பொழிந்த பிலிப்ஸ், 64 பந்துகளில் 104 ரன்கள் குவித்து ஆட்டமிழந்தார். இதனால் 20 ஓவர்கள் முடிவில் 7 விக்கெட் இழப்புக்கு நியூசிலாந்து 167 ரன்கள் சேர்த்தது. பின்னர் பேட்டிங்கை தொடங்கிய இலங்கை, நியூசிலாந்து பந்துவீச்சாளர்களுக்கு ஈடுகொடுக்க முடியாமல் விக்கெட்டுகளைப் பறிகொடுத்தது. 19 புள்ளி 2 ஓவரில் 102 ரன்களுக்கு இலங்கை ஆல்-அவுட் ஆக, 65 ரன்கள் வித்தியாசத்தில் நியூசிலாந்து வெற்றி பெற்றது. அந்த அணி தரப்பில் டிரண்ட் போல்ட் அதிகபட்சமாக 4 விக்கெட் வீழ்த்தினார். இந்த வெற்றியால் மேலும் 2 புள்ளிகளைப் பெற்ற நியூசிலாந்து, அரையிறுதி வாய்ப்பையும் பிரகாசப்படுத்தி உள்ளது.