"ஸ்டாலினின் ஒரே கொள்கை உதயநிதியை அமைச்சராக்குவதே" - அதிமுக முன்னாள் அமைச்சர் எஸ்.பி.வேலுமணி பேட்டி

உதயநிதியை அமைச்சராகவும், பிறகு முதலமைச்சராகவும் ஆக்குவதே ஸ்டாலினின் ஒரே கொள்கை என அதிமுக முன்னாள் அமைச்சர் எஸ்பி வேலுமணி தெரிவித்துள்ளார்.

கோவையில் நடைபெற்ற அதிமுக ஆர்ப்பாட்டத்தில் பேசிய அவர், திமுகவின் இந்த ஆட்சி 5 ஆண்டுகள் போகாது என்றார். பின்னர் செய்தியாளர்களை சந்தித்த அவர், அண்ணா துவங்கிய திமுக, இன்று குடும்ப கட்சியாகியுள்ளது என விமர்சித்தார்.

திமுகவில் மூத்த தலைவர்கள் ஏராளமானோர் இருக்கும் நிலையில், திமுகவில் உதயநிதியின் பங்கு என்ன என்பது குறித்தும் எஸ்.பி.வேலுமணி கேள்வி எழுப்பினார்.