உயிரிழந்த சொர்ணாவதி யானை..சோகத்தில் மூழ்கிய ஊர்மக்கள்

குமரியில் 70 வயதுடைய 'சொர்ணாவதி' என்ற பெண் யானை உயிரிழந்த சம்பவம் சோகத்தை ஏற்படுத்தியுள்ளது...

குமரி மாவட்டம் குலசேகரம் அருகே முன்னாள் சட்டமன்ற உறுப்பினர் அப்பு நடேசன் கடந்த 60 ஆண்டுகளாக 'சொர்ணாவதி' என்ற பெண் யானையை வளர்த்து வந்தார். அவரது கல்வி குழும வளாகத்தில் வளர்க்கப்பட்ட இந்த யானை, நேற்று சோர்வாக இருந்த நிலையில் திடீரென மயங்கி விழுந்தது. இதனிடையே மருத்துவர்கள் வரவழைக்கப்பட்டு சிகிச்சை அளித்துவந்த நிலையில், யானையை எழுப்புவதற்கான நீண்ட நேர போராட்டமும் தோல்வியில் முடிந்தது. இந்த நிலையில் யானை சிகிச்சை பலனின்றி உயிரிழந்த சூழலில், சம்பவ இடத்திற்கு வந்த வனத்துறையினர் ஆய்வு மேற்கொண்டனர். பிரேத பரிசோதனைக்கு பிறகே யானை உயிரிழப்புக்கான காரணம் தெரியவரும் என அதிகாரிகள் தெரிவித்த நிலையில், இந்த சம்பவம் சுற்றுவட்டார மக்களை சோகத்தில் ஆழ்த்தியுள்ளது. இதனிடையே 'சொர்ணாவதி' யானையின் பழைய வீடியோ மற்றும் புகைப்படங்கள் அதிகம் பகிரப்பட்டு வருகிறது.