மது குடிக்க பணம் தர மறுத்த தாயை நண்பர்களுடன் சேர்ந்து தாக்கிய மகன்...கன்னியாகுமரியில் பரபரப்பு

கன்னியாகுமரியில், மது குடிக்க பணம் தர மறுத்த தாயை, நண்பர்களுடன் சேர்ந்து தாக்கிய மகனை போலீசார் தேடி வருகின்றனர். இலந்தவிளை பகுதியை சேர்ந்த மேரி மார்கிரட் என்பவரின் மகன் ஷர்லின் ஜோஸ், மதுகுடிக்க பணம் கேட்டுள்ளார். அப்போது, பணம் தர மறுத்த தாயை, நண்பர்களுடன் சேர்ந்து ஷர்லின் ஜோஸ் கண்மூடித்தனமாக தாக்கியுள்ளார். காயமடைந்த மேரி மார்கிரட் மருத்துவமனையில் அனுமதிக்கப்பட்டுள்ள நிலையில், புகாரின் பேரில் அவரது மகன் ஷர்லின் ஜோஸ் மற்றும் அவரது நண்பர்களை போலீசார் தேடி வருகின்றனர்.