ஷூட்டிங்கின் போது உதவி இயக்குநரை தாக்கிய சின்னத்திரை நடிகரான நவீன்

சென்னையில் சீரியல் ஷூட்டிங்கின் போது உதவி இயக்குநரை தாக்கியதாக சின்னத்திரை நடிகரான நவீன் மீது போலீசில் புகார் அளிக்கப்பட்டது. தனியார் தொலைக்காட்சியில் ஒளிபரப்பாகும் சீரியல் படப்பிடிப்பு மதுரவாயல் பகுதியில் நடந்து வருகிறது. இந்த சீரியலில் ஹீரோவாக நவீன் என்பவர் நடித்து வருகிறார். இவர் பூலோகம், பட்டாசு, மிஸ்டர் லோக்கல் உள்ளிட்ட திரைப்படங்களிலும் நடித்துள்ளார். சம்பவத்தன்று சீரியல் படப்பிடிப்பின் போது உதவி இயக்குநரான குணசேகரனுடன் வாக்குவாதம் ஏற்பட்டுள்ளது. இதில் குணசேகரனை நவீன் தாக்கியதில் அவருக்கு மூக்கு மற்றும் கன்னம் உள்ளிட்ட இடங்களில் காயம் ஏற்பட்டது. இதுகுறித்து குணசேகரன் போலீசில் புகார் அளித்ததோடு சங்கம் மூலம் பேசி தீர்த்துக் கொள்வதாக கூறிய போதிலும் இந்த சம்பவத்தால் பரபரப்பு ஏற்பட்டது.