அண்ணன் மனைவியுடன் குடும்பம் நடத்தும் சித்தப்பா - சித்தப்பாவை கொல்ல ப்ளான் போட்ட அண்ணன் மகன்

அண்ணன் மனைவியுடன் குடும்பம் நடத்தும் சித்தப்பா -

சித்தப்பாவை கொல்ல ப்ளான் போட்ட அண்ணன் மகன்

சென்னை காசிமேடு பகுதியில், சித்தப்பாவை நண்பர்களுடன் சேர்ந்து கத்தியால் வெட்டிக் கொலை செய்ய முயற்சித்த அண்ணன் மகன் உட்பட 3 பேரை போலீசார் கைது செய்தனர்.

காசிமேடு காவல் நிலைய சரித்திர பதிவேடு குற்றவாளியான கதிரவன் என்பவரை, அவரது வீட்டின் அருகே, 4 இளைஞர்கள் கத்தியால் தாக்கிவிட்டு தப்பிச் சென்றனர்.

இதனைக் கண்ட அக்கம் பக்கத்தினர், கதிரவனை மீட்டு மருத்துவமனையில் அனுமதித்தனர்.

இந்த சம்பவம் குறித்து வழக்குப்பதிவு செய்த போலீசார், சிசிடிவி காட்சிகளின் உதவியுடன், காசிமா நகர் பகுதியை சேர்ந்த ரூபேஷ், நிர்மல், நந்தகுமார் ஆகிய 3 பேரை கைது செய்தனர்.

இதுதொடர்பான விசாரணையில், 6 வருடங்களுக்கு முன்பு அண்ணன் இறந்து விட்ட நிலையில்,அவரது மனைவியை கதிரவன் அழைத்து வந்து குடும்பம் நடத்தி வருவதாக கூறப்படுகிறது.

இதில் ஆத்திரமடைந்த அண்ணனின் மகனான ரூபேஷ்குமார், அவரது நண்பர்களுடன் சேர்ந்து கதிரவனை கத்தியால் தாக்கி விட்டு தப்பிச் சென்றது விசாரணையில் தெரியவந்தது.

பேர் மீதும் வழக்கு பதிவு செய்த காசிமேடு போலீசார், அவர்களை நீதிமன்றத்தில் ஆஜர்படுத்தி சிறையில் அடைத்தனர்.