டயர் வெடித்து முழு பஸ் பற்றி எரிந்த அதிர்ச்சி காட்சி... உயிரை கையில் பிடித்து ஓடிய பயணிகள்

ஆந்திராவில், தனியார் பேருந்தில் டயர் வெடித்து தீப்பற்றியதில் பயணிகள் அவசரமாக கீழே இறங்கினர். பெங்களூருவில் இருந்து பயணிகளுடன் ஆந்திர மாநிலம் பங்கனப்பள்ளிக்கு தனியார் சொகுசு பேருந்து சென்று கொண்டிருந்தது. அதிகாலையில் தாடிப்பத்திரி அருகே சென்றபோது, பேருந்தின் டயர் திடீரென வெடித்தது. பேருந்தின் சக்கரம் சாலையில் உராய்ந்து இன்ஜின் பகுதியில் தீ பரவியது. இதனால் சுதாரித்த ஓட்டுநர், பேருந்தை நிறுத்தியதால், பயணிகள் அவசரமாக கீழே இறங்கி ஓட்டம் பிடித்தனர். பேருந்து முற்றிலும் தீக்கிரையானது. தீயணைப்பு வீரர்கள், தண்ணீரை பீய்ச்சியடித்து தீயை கட்டுக்குள் கொண்டு வந்தனர். போலீசார் வழக்குப்பதிவு செய்து விசாரணை நடத்தி வருகின்றனர்.