"கொஞ்சம் போன் தர்றீங்களா.. பேசிட்டு தர்றேன்.."- வாங்கியதும் ஒட்டம் பிடித்த நபர் - வெளியான அதிர்ச்சி சிசிடிவி காட்சி

தருமபுரியில் கடையில் தனியாக இருந்த பெண்ணிடம், போன் பேசிவிட்டு தருவதாக கூறி, செல்போனை எடுத்துக் கொண்டு ஒட்டம் பிடித்த நபர் குறித்து போலீசார் விசாரணை மேற்கொண்டு வருகின்றனர். பிடமனேரியைச் சேர்ந்த கார்த்திகேயன், தருமபுரி-சேலம் சாலையில் துணிக்கடை நடத்தி வருகிறார். இவரது கடைக்கு வந்த மர்ம நபர் ஒருவர், அங்கு பணிபுரிந்த பெண்ணிடம் தனது மகனுக்கு போன் பேசிவிட்டு தருவதாக கூறி, செல்போனை வாங்கியுள்ளார். சிறிது நேரத்தில் செல்போனை வாங்கிக் கொண்டு வெளியே சென்ற நபர் ஓட்டம் பிடித்ததாக கூறப்படுகிறது. இந்த புகாரின் பேரில், போலீசார் கடையில் உள்ள சிசிடிவி கேமரா காட்சிகளை கொண்டு அந்த நபரை தேடி வருகின்றனர்.