"ஷாரூக் கானா, யார் அவர்?" கேள்வி கேட்ட அஸ்ஸாம் முதல்வர்... அஸ்ஸாம் முதல்வரை தொடர்பு கொண்டு பேசிய ஷாரூக் கான்

ஷாரூக் கான் நடிப்பில், வரும் 25-ஆம் தேதி வெளியாக இருக்கும் பதான் திரைப்படத்துக்கு எதிர்ப்பு தெரிவித்து, குவாஹாட்டியில் வலதுசாரி அமைப்பினர் போராட்டத்தில் ஈடுபட்டு வருகின்றனர்.

இதுகுறித்து முதல்வர் ஹிமந்த சர்மாவிடம் செய்தியாளர் கேள்வி எழுப்பியதற்கு, ஷாரூக் கான் யார்? அவரைப் பற்றியும், அவருடைய படத்தையும் எனக்குத் தெரியாது என்று பதில் அளித்தார்.

அடுத்த சில மணி நேரத்தில் அவரை ஷாரூக் கான் தொலைபேசியில் தொடர்பு கொண்டு பேசினார்.

அப்போது, தனது படத்துக்கு எதிராக குவாஹாட்டியில் போராட்டங்கள் நடைபெறுவது குறித்து ஷாரூக் கான் கவலை தெரிவித்தார்.

அவரிடம், இதுபோன்ற அசம்பாவித சம்பவங்களை தடுக்க நடவடிக்கை எடுக்கப்படும் என்று ஹிமந்த விஸ்வ சர்மா உறுதி அளித்தார்.