"தியேட்டர்களை தீ வைத்து கொளுத்துங்கள்" ஷாருக்கான் படத்துக்கு கடும் எதிர்ப்பு

ஷாருக்கான், தீபிகா படுகோனே நடிப்பில் வெளியாக உள்ள பதான் திரைப்படத்தின் பேஷரம் ரங் பாடலுக்கு கடும் எதிர்ப்புகள் வலுத்துள்ளன.

பாடல் காட்சியில் தீபிகா படுகோனே காவி நிற ஆடையை அணிந்து, இந்து மதத்தை அவமதித்துள்ளதாக மத்தியப் பிரதேச உள்துறை அமைச்சர் நரோட்டம் மிஸ்ரா விமர்சித்திருந்தார்.

இது தொடர்பாக இணையத்தில் விவாதங்கள் எழுந்துள்ள நிலையில், பதான் திரைப்படம் ஓடும் திரையரங்குகளை தீயிட்டு கொளுத்த வேண்டுமென அயோத்தியின் ஹனுமன் காரி மடத்தின் தலைவர் ராஜு தாஸ் கூறியுளார்.

பாலிவுட் திரைத்துறை தொடர்ந்து சனாதன தர்மத்தை பகடி செய்வதாகவும் அவர் குற்றம்சாட்டியுள்ளார்.

முன்னதாக மத்திய பிரதேசத்தில் இந்து அமைப்பினர் சிலர் பதான் திரைப்படத்தை தடை செய்யக்கோரி ஷாருக்கான் உருவ பொம்மையை எரித்தும் எதிர்ப்பை வெளிப்படுத்தினர்.