"உருட்டல் மிரட்டல்களை எல்லாம் தாண்டி வளர்வது தான் திமுக" - அமைச்சர் சேகர்பாபு

சென்னை நுங்கம்பாக்கம் இந்து சமய அறநிலையத்துறை ஆணையர் அலுவலகத்தில், இந்து சமய அறநிலையத்துறை அறிவிப்புகள் குறித்த சீராய்வு கூட்டம் நடைபெற்றது. அமைச்சர் சேகர்பாபு கலந்து கொண்ட இந்த கூட்டத்தில், அர்ச்சகர் காலிப்பணியிடங்களை நிரப்புவது குறித்து ஆலோசிக்கப்பட்டது. பின்பு செய்தியாளர்களை சந்தித்த அமைச்சர் சேகர்பாபு, ஜூலை ஏழாம் தேதி 34 இலவச திருமணங்களை முதல்வர் ஸ்டாலின் நடத்தி வைக்க உள்ளதாக தெரிவித்தார். மேலும் சிதம்பரம் நடராஜர் கோவில் கனகசபை விவகாரத்தில், அண்ணாமலை கூறிய விளைவுகளை சந்திக்க திமுக அரசு சளைக்காது எனவும், உருட்டல் மிரட்டல்களை எல்லாம் தாண்டி வளர்வதுதான் திமுக இயக்கம் என்றும் தெரிவித்தார்.