"சசிகலா - ஜெயலலிதா பெயர் கொண்ட பெண்கள் இல்லையா?" - எம்பி கதிர் ஆனந்த் பேச்சால் சிரிப்பலை

திருப்பத்தூர் மாவட்டம் வாணியம்பாடி அடுத்த ஆலங்காயம் ஒன்றியத்துக்கு உட்பட்ட நிம்மியம்பட்டு ஊராட்சியில் சிறப்பு கிராம சபை கூட்டம் நடைபெற்றது.

இதில் ஜோலார்பேட்டை எம்.எல். ஏ தேவராஜ் மற்றும் அனைத்துத்துறை அரசு அதிகாரிகள் கலந்து கொண்டனர்.

இதில் சிறப்பு அழைப்பாளராக கலந்து கொண்ட வேலூர் நாடாளுமன்ற உறுப்பினர் கதிர் ஆனந்த் மக்கள் குறைகளை கேட்டறிந்தார்.

அப்போது கூட்டத்தில் பேசிய அவர் இந்த கூட்டத்தில் தன்னிடம் கேள்வி கேட்க சசிகலா மற்றும் ஜெயலலிதா பெயர்களை கொண்ட பெண்கள் யாரும் இல்லையா ? என கேட்டதால் கிராம சபை கூட்டத்தில் சிரிப்பலையை ஏற்படுத்தியது.