'மிட் நைட் ஷாப்பிங்..'' ஓனருக்கு விபூதி அடித்த கொள்ளையர்கள் - பரபரப்பை கிளப்பும் சிசிடிவி காட்சி

சேலம் மாவட்டம் ஓமலூர் அருகே, சொகுசு காரில் வந்த இளைஞர்கள் பல்பொருள் அங்காடிக்குள் புகுந்து கொள்ளையடித்து சென்ற சம்பவத்தின் சிசிடிவி காட்சிகள் வெளியாகியுள்ளன.

ஓமலூர் அருகே பண்ணப்பட்டியை சேர்ந்தவர் சண்முகம்.

இவர் அதே பகுதியில் பல்பொருள் அங்காடி ஒன்றை நடத்தி வந்துள்ளார்.

இவரது கடைக்கு சொகுசு காரில் வந்த 4 இளைஞர்கள், கடையினுள் புகுந்து கல்லாவில் இருந்து பணம் மற்றும் நகைகள் உட்பட ஒன்றரை லட்சம் மதிப்பிலான பொருட்களை கொள்ளையடித்து சென்றதாக கூறப்படுகிறது.

இதன் சிசிடிவி காட்சிகள் தற்போது வெளியாகியுள்ள நிலையில், போலீசார் தீவிர விசாரணை நடத்தி வருகின்றனர்.