படிக்கவிடாமல் பாலியல் தொந்தரவு... வளர்ப்பு தந்தை உள்ளிட்ட 2 பேர் மீது புகார்
- சேலத்தில், பொதுதேர்வுக்கு படிக்கவிடாமல் பாலியல் தொந்தரவு தரும் வளர்ப்பு தந்தை உள்ளிட்ட இருவர் மீது, ப்ளஸ் டூ மாணவி காவல் ஆணையாளர் அலுவலகத்தில் புகார் அளித்துள்ளார்.
- சேலம் கோரிமேடு பகுதியை சேர்ந்த சிறுமி, மாநகர காவல் ஆணையாளரிடம் புகார் மனு ஒன்றினை அளித்தார்.
- அதில், சிறுமி ஆதரவற்றோர் இல்லத்தில் இருந்தபோது, சிறுவயதிலேயே சண்முகம் என்பவர் தத்து எடுத்துள்ளார்.
- இந்த நிலையில், கடந்த 2 ஆண்டு காலமாக, வளர்ப்பு தந்தையான சண்முகம் மற்றும் வீட்டில் குடியிருக்கும் மணி என்பவரும், தினந்தோறும் மது அருந்திவிட்டு பாலியல் தொந்தரவு செய்து வருவதாகவும், இது குறித்து வெளியே சொன்னால் கொலை செய்து விடுவதாக மிரட்டியதாகவும் சிறுமி புகாரில் தெரிவித்துள்ளார்.
- தற்போது பன்னிரண்டாம் வகுப்பு பொதுத்தேர்வு எழுதி வரும் வேளையில், சரிவர உணவு வழங்காமல் கொடுமைப்படுத்துவதாகவும், அதனால் சரிவர படிக்க முடியாமல் தவித்து வருவதாகவும் வேதனையுடன் தெரிவித்த சிறுமி, போலீசார் உரிய நடவடிக்கை எடுக்க வேண்டும் என வேண்டுகோள் விடுத்துள்ளார்.
Next Story
