பாரத மாதா கையில் காவி கொடி..!! சர்ச்சையை கிளப்பிய ஏ.பி.வி.பி போஸ்டர்

மங்களூரூ பல்கலைக்கழகத்தில் மாணவர் அமைப்பு சார்பில் பல்வேறு நிகழ்ச்சிகள் நடத்தப்படுவதாக போஸ்டர் ஒன்று வெளியானது. அந்த போஸ்டரில், ஏபிவிபி மாணவர் அமைப்பு 6 ஆம் தேதி முதல் 18 ஆம் தேதி வரை நிகழ்ச்சி நடத்த உள்ளதாக கூறப்பட்டுள்ளது. 6 ஆம் தேதி பல்கலைக்கழக பிரீமியர் லீக் விளையாட்டுப் போட்டிகளும், 12 ஆம் தேதி விளையாட்டு தினமும், 13 ஆம் தேதி பண்பாட்டு தினமும், 17 ஆம் தேதி கலை தினமும், 18 ஆம் தேதி கல்லூரி தின விழாவும் நடைபெறுகிறது. இதில், இதில் 11 ஆம் தேதி அதாவது நாளை பாரத மாதா பூஜை தினம் கொண்டாடப்படும் என கூறப்பட்டுள்ளது. ஏபிவிபி வெளியிட்டுள்ள போஸ்டரில் பாரத மாதா கையில் காவிக்கொடி வைத்திருப்பதும் அதன் பின்னால் காவி நிறத்தில் அகண்ட பாரத மேப் இடம் பெற்றிருப்பது சர்ச்சையை ஏற்படுத்தியுள்ளது.