மல்லிகார்ஜுன கார்கேக்கு பதிலடி..காங்கிரஸை விளாசி தள்ளிய பிரதமர் மோடி

கர்நாடக மாநிலம் கோலாரில் பிரசாரம் செய்த பிரதமர் மோடி, மல்லிகார்ஜுன கார்கே தன்னை விஷநாகத்துடன் ஒப்பிட்டதற்கு பதிலளித்தார். நாகம்தான் சிவனின் கழுத்தை அலங்கரிக்கும் ஆபரணம் என குறிப்பிட்ட பிரதமர் மோடி, தன்னை பொறுத்தவரையில் நாட்டு மக்களே சிவனைப் போன்றவர்கள் எனவும் இதில் காங்கிரசுக்கு மக்கள் பதிலளிப்பார்கள் எனவும் குறிப்பிட்டார். ஊழலுக்கு எதிராக போராடுவதால் காங்கிரஸ் தன்னை வெறுக்கிறது எனக் குறிப்பிட்ட பிரதமர் மோடி, காங்கிரசும், மதசார்பற்ற ஜனதா தளமும் கர்நாடகா வளர்ச்சியை தடுக்கிறது எனக் குற்றம் சாட்டினார். கர்நாடகா வளர்ச்சியை தடுக்கும் இரு கட்சிகளையும் மக்கள் கிளீன் பவுல்டு ஆக்குவார்கள் எனவும் கூறினார்.