ரஜினியின் இளைய மகள் சௌந்தர்யா-க்கு ஆண் குழந்தை

நடிகர் ரஜினிகாந்தின் இளைய மகள் சௌந்தர்யாவுக்கு ஆண் குழந்தை பிறந்துள்ளது. அபெக்ஸ் மருந்து நிறுவனத்தின் உரிமையாளரும் தொழிலதிபருமான வணங்காமுடியின் மகன் விசாகனுக்கும், நடிகர் ரஜினிகாந்தின் இரண்டாவது மகள் சௌந்தர்யாவுக்கும் கடந்த 2019-ஆம் ஆண்டு திருமணம் நடந்தது. இந்நிலையில், விசாகன் - சௌந்தர்யா ரஜினிகாந்த் தம்பதிக்கு இரண்டாவது ஆண் குழந்தை பிறந்துள்ளது. இதுகுறித்து சௌந்தர்யா ரஜினிகாந்த் தமது ட்விட்டர் பக்கத்தில், இறைவன் அருள் மற்றும் பெற்றோரின் ஆசீர்வாதத்தால் ஆண் குழந்தை பிறந்ததாகவும், தன்னுடைய மூத்த மகனுக்கு சின்னத்தம்பி வந்து விட்டதாகவும் மகிழ்ச்சியை வெளிபடுத்தியுள்ளார்.