"ராகுல் காந்தி தான் தலைவர்" - தமிழக காங்கிரஸ் அதிரடி

காங்கிரஸ் கட்சியின் தலைவராக ராகுல் காந்தியை நியமிக்க வலியுறுத்தி, தமிழ்நாடு காங்கிரஸ் பொதுக் குழுக் கூட்டத்தில் தீர்மானம் நிறைவேற்றப்பட்டுள்ளது.

அகில இந்திய காங்கிரஸ் தலைவர் பதவிக்கான தேர்தல் அடுத்த மாதம் நடைபெறவுள்ள நிலையில், அனைத்து மாநிலங்களிலும் கட்சியின் பொதுக் குழு கூட்டம் நடத்தப்படுகிறது.

இந்நிலையில், தமிழ்நாடு காங்கிரஸ் பொதுக்குழு கூட்டம், சென்னை வேப்பேரியில் உள்ள ஒய்.எம்.சி.ஏ வளாகத்தில், கட்சியின் மாநிலத் தலைவர் கே.எஸ்.அழகிரி தலைமையில் நடைபெற்றது.

அதில், ராஜஸ்தான், குஜராத், சத்தீஸ்கர் மாநிலங்களின் வரிசையில், தமிழக காங்கிரசும் அகில இந்திய காங்கிரஸ் தலைவராக ராகுல் பொறுப்பேற்க வலியுறுத்தி தீர்மானம் நிறைவேற்றப்பட்டது.