சீறி பாய்ந்த லாரி... காதை கிழிக்கும் ஏர் ஹாரன் - போலீசார் கொடுத்த நூதன தண்டனை

திருவாரூர் அருகே ஏர் ஹாரனில் ஒலி எழுப்பிய படி லாரியை ஓட்டி வந்த ஓட்டுநருக்கு, போக்குவரத்து காவல் உதவி ஆய்வாளர் நூதன தண்டனை வழங்கினார். நாகை புறவழிச்சாலையில் திருவாரூர் போக்குவரத்து காவலர்கள் வாகன சோதனையில் ஈடுபட்டிருந்தனர். அப்போது, சேலத்தில் இருந்து நாகைக்கு லாரியை ஒட்டி சென்ற அஜித் ஏர்ஹாரனில் ஒலி எழுப்பிய படி சென்றுள்ளார். பின்னர், லாரியை காவலர்கள் மறித்த போது நிற்காமல் சென்ற நிலையில், லாரியை காவலர்கள் மடக்கி பிடித்துள்ளனர். இதனையடுத்து, ஏர்ஹாரனை லாரி டயரின் அடியில் வைத்து, லாரியை அதன் மீது ஏற்றச் செய்து நூதன தண்டனை வழங்கினர்.