"பெட்ரோல் போட்டா காசு தரணுமா?"... பணம் கேட்ட பங்க் ஊழியர்களை சரமாரியாக தாக்கிய மூன்று இளைஞர்கள்

புதுச்சேரியில் வாகனத்தில் பெட்ரோல் நிரப்பி விட்டு பணம் தர மறுத்த இளைஞர்கள் ஊழியர்களை தாக்கிய சிசிடிவி காட்சிகள் வெளியாகி உள்ளது. தவளகுப்பம் பகுதியை சேர்ந்த கமல கண்ணன் என்பவர் பெட்ரோல் பங்க் ஒன்றை நடத்தி வருகிறார்.
அங்கு இரவு 10 மணியளவில் மதுபோதையில் வந்த இளைஞர்கள் 3 பேர், தங்கள் வாகனத்தில் அவர்களாகவே பெட்ரோலை நிரப்பியதோடு பணம் தர மறுத்து தகராறில் ஈடுபட்டனர்.
பணம் கேட்ட பங்க் ஊழியரை அவர்கள் தாக்கிய சிசிடிவி காட்சிகள் வெளியான நிலையில், வழக்குப்பதிவு செய்துள்ள போலீசார், 2 பேரை கைது செய்து விசாரணை நடத்தி வருகின்றனர்.