பதான் திரைப்பட பாடலுக்கு எதிர்ப்பு - நெத்தியடி கொடுத்த ஷாருக்கான்

பதான் பாடல் விமர்சனத்திற்கு, பாலிவுட் நடிகர் ஷாருக்கான் பதிலடி கொடுத்துள்ளார்.

சித்தார்த் ஆனந்த் இயக்கத்தில் ஷாருக்கான், தீபிகா படுகோனே நடித்த பதான் திரைப்படம் அடுத்த மாதம் திரைக்கு வருகிறது.

இதற்கிடையே, அண்மையில் வெளியான பதான் திரைப்படத்தின் பேஷரம் ரங் பாடல் சர்ச்சைக்குள்ளாகியுள்ளது.

பாடலில் தீபிகா படுகோனே காவி நிற பிகினி அணிந்திருப்பதற்கு எதிர்ப்பு தெரிவித்து வரும் சிலர், பதான் படத்தை தடை செய்ய வேண்டுமென வலியுறுத்தி வருகின்றனர்.

இந்த சூழலில் கொல்கத்தாவில் நடைபெற்ற சர்வதேச திரைப்பட விழாவில் பங்கேற்ற ஷாருக்கான், பதான் மீதான விமர்சனத்திற்கு பதிலடி கொடுத்துள்ளார்.

குறுகிய பார்வையால் சமூக ஊடகங்கள் இயக்கப்படுவதாக குறிப்பிட்ட அவர், எதிர்மறையான பார்வை, வணிக ரீதியில் பாதிப்பை ஏற்படுத்துவதாக தெரிவித்துள்ளார்.

மேலும், தான் மகிழ்ச்சியாக இருப்பதாகவும், உலகில் நேர்மறை எண்ணம் கொண்டவர்கள் வாழ்ந்து கொண்டிருப்பதாகவும் ஷாருக்கான் குறிப்பிட்டுள்ளார்.