"எங்கள தாண்டி வெட்டுங்க பாப்போம்" NLC சுரங்கத்தை சுத்து போட்ட மக்கள்.. பரபரப்பு காட்சிகள்

"எங்கள தாண்டி வெட்டுங்க பாப்போம்" NLC சுரங்கத்தை சுத்து போட்ட மக்கள்.. பரபரப்பு காட்சிகள்

நெய்வேலி என்எல்சியில் முதலாவது சுரங்கத்தில், மண் வெட்டும் பணி மேற்கொள்வதற்கு எதிர்ப்பு தெரிவித்து, கிராம மக்கள் முற்றுகையிட்டனர்.

என்எல்சி இந்தியா நிறுவனத்தின் முதலாவது சுரங்கத்தின் அருகில் வடக்கு வெள்ளூர் கிராமம் அமைந்துள்ளது. இக் கிராமத்தில் சுமார் நூற்றுக்கு மேற்பட்ட குடும்பங்கள் வசித்து வரும் நிலையில்,

சுரங்கத்தில், மிகப்பெரிய இயந்திரத்தின் மூலம், என்எல்சி நிர்வாகம், மண் வெட்டும் பணியை மேற்கொண்டது. அப்போது புயல் போல் மண்புழுதிகள் உருவாகி, வடக்கு வெள்ளூர் கிராமம் முழுவதும், சூழ்ந்தது. இதனால், அக்கிராமத்தில் வசித்த, சிறுவர்கள் முதல் பெரியவர்கள் வரை அனைவருக்கும், மூச்சுத் திணறலும், கண் எரிச்சலும் ஏற்பட்டது. ஆத்திரமடைந்த, அக்கிராம மக்கள் இரவு 7 மணி அளவில், மத்திய தொழிலக பாதுகாப்பு படை பிரிவினரின், பாதுகாப்பை மீறியும், சுமார் 600 அடி ஆழம் கொண்ட முதலாவது சுரங்கத்தில் இறங்கி, மண் வெட்டும் இயந்திரத்தின் முன்பு, நின்று முற்றுகை போராட்டத்தில் ஈடுப்பட்டனர்.