திருடிய நகைகளை பங்கு வைப்பதில் பிரச்சினை - போதை ஆசாமிகளை கைது செய்த போலீசார்

உதகையில் திருடிய நகைகளை பங்கு போடுவதில் ஏற்பட்ட சண்டையால் கொள்ளையர்கள் போலீசாரிடம் சிக்கிய சம்பவம் அரங்கேறியுள்ளது.

உதகையில் மதுபோதையில் இரண்டு பேர் கையில் நகைகளுடன் சண்டையிட்டு உள்ளனர். இதனால் சந்தேகம் அடைந்த பொதுமக்கள் போலீசாருக்கு தகவல் தெரிவித்துள்ளனர். தொடர்ந்து, அங்கு வந்த போலீசார் சண்டையிட்ட 2 பேரையும் பிடித்து விசாரித்துள்ளனர். அதில், இருவரும் சேர்ந்த முந்தைய நாள் இரவு உதகையில் உள்ள வீடு ஒன்றில் கொள்ளை அடித்த‌தும், அந்த நகைகளை பங்கு போடுவதில் இருவருக்கும் தகராறு ஏற்பட்ட‌து தெரிய வந்த‌து. இதையடுத்து, போதை ஆசாமிகள் 2 பேரையும் கைது செய்த போலீசார், அவர்களிடம் இருந்த 5 ஜெயின்கள், 5 மோதிரங்கள், 3 ஜோடி கம்மல்களை பறிமுதல் செய்தனர். மேலும், வேறு கொள்ளை சம்பவங்களில் இவர்களுக்கு தொடர்பு உள்ளதா என விசாரணை நடத்தி வருகின்றனர்.