தமிழகம் வரும் பிரதமர் மோடி..! - உச்சகட்ட பாதுகாப்பு பணியில் போலீசார்

திண்டுக்கல் பட்டமளிப்பு விழாவில் கலந்து கொள்ள பிரதமர் மோடி மதுரை வருவதையொட்டி மதுரை விமான நிலையத்தில் சாலை வழி மார்க்க பாதுகாப்பு முன்னோட்ட நிகழ்வு நடைபெற்றது. இதற்காக மதுரை விமான நிலையத்தில் இருந்து திண்டுக்கல் செல்லும் வரையிலான சாலைகளில் வழிநெடுகிலும் காவல்துறையினர் பாதுகாப்பு பணியில் ஈடுபடுத்தப்பட்டனர். மேலும் விமானநிலையம் அருகே வசிக்ககூடிய பொதுமக்கள் ஆதார் எண்ணை காண்பித்து உறுதிசெய்த பின்னரே வீடுகளுக்குள் அனுமதிக்கப்பட்டு வருகின்றனர். விமான நிலையத்திற்கு செல்ல கூடிய வாகனங்கள் முழுவதிலுமாக கடுமையான சோதனைக்கு உட்படுத்தப்பட்ட பின்னர் அனுமதிக்கப்பட்டது.