"பணம் கொடு.. இல்ல ஒரே போடு.." - வீச்சரிவாளுடன் மிரட்டிய நபர் - பதறவைக்கும் காட்சிகள் | karur

கரூர் அருகே டாஸ்மாக் பாரில் வீச்சரிவாளுடன் பணம் கேட்டு மிரட்டிய நபரை போலீசார் தேடி வருகின்றனர். ஆத்தூரில் டாஸ்மாக் மதுபான கடையும், அதை ஒட்டி பாரும் செயல்பட்டு வருகிறது. இந்நிலையில் பாருக்கு வந்த இளைஞர் ஒருவர் தங்கராஜ் என்பவரிடம், பணம் கேட்டதாக கூறப்படுகிறது. அவர் பணம் தர மறுத்ததால் அரிவாளை திருப்பி பிடித்து தாக்கியுள்ளார். இது குறித்த சிசிடிவி காட்சிகள் சமூக வலைதளங்களில் பரவியது. இது தொடர்பாக கரூர் நகர காவல் நிலைய போலீசார் விசாரணை மேற்கொண்டு வருகின்றனர்.