சூடானில் இருந்து மீட்கப்பட்ட பழங்குடியினருடன் கலந்துரையாடிய பிரதமர் மோடி

சூடானில் இருந்து மீட்கப்பட்ட ஹக்கி பிக்கி பழங்குடியினருடன் பிரதமர் மோடி கலந்துரையாடினார். ஆபரேஷன் காவேரி திட்டம் மூலம் சூடானில் தவித்த இந்தியர்கள் மீட்கப்பட்டனர். அவ்வாறு மீட்கப்பட்ட ஹக்கி பிக்கி பழங்குடியினரை, ஷிவமோகாவில் பிரதமர் மோடி சந்தித்தார். அப்போது, பிரதமர் மோடிக்கு பாசியை அணிவித்து கை குலுக்கிய பழங்குடியினர், தங்களை பத்திரமாக மீட்டு தாயகம் அழைத்து வந்த‌தற்காக, நன்றி தெரிவித்தனர். பின்னர், அவர்களுடன் பிரதமர் மோடி கலந்துரையாடி மகிழ்ந்தார். அப்போது, பாடல் பாடி உற்சாகமடைந்த பழங்குடியினர், பிரதமர் மோடியுடன் புகைப்படம் எடுத்துக்கொண்டு, வந்தே மாதரம் என முழக்கமிட்டு பிரதமரை வழியனுப்பினர்.