வயிற்றில் கட்டி இருந்த கல்.. கிணற்றில் மிதந்த ஆண் சடலம் - திருப்பூரில் அதிர்ச்சி சம்பவம்

வயிற்றில் கட்டி இருந்த கல்.. கிணற்றில் மிதந்த ஆண் சடலம் - திருப்பூரில் அதிர்ச்சி சம்பவம்

திருப்பூர் மாவட்டத்தில் உடலில் கல்லை கட்டிய நிலையில், இளைஞர் ஒருவர் கிணற்றில் சடலமாக மிதந்த சம்பவம் அதிர்ச்சியை ஏற்படுத்தியுள்ளது. பல்லடம் அடுத்த அவரப்பாளையம் அருகே வயிற்றில் கல்லை கட்டியவாறு ஆண் சடலம் ஒன்று கிணற்றில் மிதப்பதாக போலீசாருக்கு தகவல் கிடைத்துள்ளது. தகவலின் அடிப்படையில் சம்பவ இடத்திற்கு சென்ற போலீசார், உடலை மீட்டு மருத்துவமனைக்கு கொண்டு சென்றனர். முதற்கட்ட விசாரணையில், உயிரிழந்தவர் திருச்சியை சேர்ந்த கந்தசாமி என்பதும், 3 வாரங்களுக்கு முன்பு திரூப்பூரில் உள்ள தங்கை வீட்டில் தங்கி கட்டிட வேலை பார்த்து வந்ததும் தெரியவந்துள்ளது. மேலும், கந்தசாமியின் உடலில் வெட்டுகாயங்கள் இருப்பதால் போலீசார் தீவிர விசாரணை நடத்தி வருகின்றனர்.