வீட்டில் திருட வந்ததாக இளைஞர்... விடிய விடிய காத்திருந்து பிடித்த மக்கள்

கேரள மாநிலம், திருச்சூர் அருகே வீட்டில் திருட வந்த இளைஞரை, வீட்டில் இருந்தவர்கள் சரமாரியாக அடித்து உதைத்த சம்பவம் பரபரப்பை ஏற்படுத்தி உள்ளது.

திருச்சூர் சேலக்கரை கிள்ளிமங்கலத்தில், அப்பாஸ் என்பவரின் வீட்டில் அடிக்கடி பணம் திருடுபோனதால், வீட்டைச் சுற்றிலும் சிசிடிவி கேமராக்களை பொருத்தி இருந்தனர். அதிகாலை 2 மணிக்கு, சந்தோஷ் என்ற இளைஞர் வீட்டுக்குள் நுழைந்து திருட முயன்றதாகத் தெரிகிறது. அவரை அப்பாஸும், அருகில் இருந்தவர்களும் பிடித்து சரமாரியாகத் தாக்கியுள்ளனர். இதில், பலத்த காயமடைந்த சந்தோஷ், பின்னர் போலீசில் ஒப்படைக்கப்பட்டார். அவரை போலீசார், திருச்சூர் மருத்துவக் கல்லூரி மருத்துவமனையில் சேர்த்துள்ளனர். அவருக்கு தலையில் ரத்தக்கசிவு இருந்ததால் அறுவை சிகிச்சை செய்யப்பட்டு, ஆபத்தான நிலையில், தீவிர சிகிச்சை பிரிவில் உள்ளார். இந்த சம்பவம் தொடர்பாக, அப்பாஸ் உள்ளிட்ட 4 பேரை போலீசார் கைது செய்துள்ளனர்.