"பள்ளிக்கு அருகில் புதிய மீன் மார்க்கெட்" - மீனவ சங்கத்தினர் எதிர்ப்பு

சென்னை பட்டினப்பாக்கத்தில் அமையவுள்ள புதிய மீன் மார்க்கெட்டுக்கு மீனவ சங்கத்தினர் எதிர்ப்பு தெரிவித்துள்ளனர்.
அங்கு, 8.5 கோடி ரூபாய் மதிப்பீட்டில், புதிய மீன் மார்க்கெட் அமைய உள்ளது.
அதில், 366 கடைகள், இரு சக்கர வாகனங்கள் மற்றும் கார்கள் நிறுத்தும் வசதி உள்ளிட்டவை ஏற்படுத்தப்பட உள்ளன.
புதிய மீன் மார்க்கெட் கட்டுமான பணிகள், 60 சதவீதம் நிறைவு பெற்றுள்ளதால், வரும் ஏப்ரல் மாதம் திறக்கப்படுமென சென்னை மாநகராட்சி தெரிவித்துள்ளது.
இந்நிலையில், இந்த புதிய மீன் மார்க்கெட்டால், பள்ளி மாணவர்களுக்கு நோய் தொற்று ஏற்படும் என அப்பகுதி மீனவர்கள் தெரிவித்துள்ளனர்.