நாடாளுமன்ற தேர்தல் - தீவிரமாக தயாராகும் திமுக |முகவர்களுடன் முதல்வர் ஸ்டாலின் ஆலோசனை

234 தொகுதிகளிலும் உள்ள திமுக வாக்குச்சாவடி முகவர்களுடன் முதல்வர் ஸ்டாலின் ஆலோசனை நடத்த உள்ளதாக திமுக தலைமை அறிவித்துள்ளது.

திமுகவின் வாக்குச்சாவடி முகவர்களுடன் திமுக தலைவரும், முதலமைச்சருமான ஸ்டாலின் காணொலி மூலம் ஆலோசனை கூட்டம் நடத்த உள்ளார். நவம்பர் 12 ஆம் தேதி மாலை 6 மணிக்கு நடைபெறவுள்ள இந்த ஆலோசனை கூட்டத்தில் 234 சட்டமன்ற தொகுதிகளிலும் உள்ள வாக்குச்சாவடி முகவர்கள், சட்டமன்ற உறுப்பினர்கள் மற்றும் மாவட்ட செயலாளர்கள் பங்கேற்க வேண்டும் எனவும் திமுக தலைமை அறிவுறுத்தி உள்ளது. மேலும், கூட்டத்திற்கான ஏற்பாடுகளை மாவட்ட செயலாளர்கள் உடனடியாக தொடங்க வேண்டும் என்றும் திமுக தலைமை வலியுறுத்தியுள்ளது.

கூட்டத்தில் நாடாளுமன்ற தேர்தலுக்காக மேற்கொள்ள வேண்டிய பணிகள் கூறித்து திமுக தலைவர் ஸ்டாலின் ஆலோசனை வழங்கவுள்ளதாக கூறப்படுகிறது.